Beheko solairuan sarrera moduko panel bat ezarri da oinarrizko ideia honekin: Victor Hugo idazle erromantiko frantses garrantzitsua izandakoa, 1843an denboraldi labur batez etxe honetan bizi izan zen.

Bisitaria lehenengo solairura iristen denean, korridorean lehenengo panel batekin egiten du topo. Panelaren oinarrizko ideia 1902an Déroulède eta Habertek idazlea egon zen etxea aurkitu eta museo-etxearen sorrera bultzatu zutela da; ireki zenetik momentu ezberdinak bizi izan dituelarik.

Logela honetan bertako altzari orijinalak jarri dira, Oarsoaldeak enkante publiko bitartez eskuratuak. XIX. Mendeko altzariak dira.

Logela honek Basquetz Andrearen bilobaren logela birsortzen du, Victor Hugori ostatu eman zion eraikinaren jabearen biloba hain zuzen ere. Binilo testu baten bidez idazleak bizilagunari buruz zituen inpresioak jasotzen dira.

Altzarien kokapena KUTXAk 80. hamarkadan museoa berrireki zuen garaiko argazkietan oinarritu da, bertan pianoa tximinia aurrean ikusten delarik.

Bildumaren elementu gehienak 1902an zabalduriko museotik berreskuratuak dira, Kutxaren ondarearen parte izanik.

Hormako elementuen artean hauek aurkitzen dira:

• Victor Hugok Pasaian egindako bi marrazkiren faksimila, Frantziako Liburutegi Nazionaletik eskuratuak eta akuarela artisau paperean inprimatuak:

                    VICTOR HUGO. Pasaia, 1843. Mendi gainetiko paisaiak. Luman egindako marrazkiaren kopia digitala.

                   VICTOR HUGO. Pasaia, 1843. Pasaia, abuztuak 4 eguerdia. Luman egindako marrazkiaren kopia digitala.

• Victor Hugok 1871an egindako marrazkiaren argazkia. Egile ezezaguna, c. 1902. Thionville, 1871ko abuztuak 30.

• Digitalizazioa eta ikustarazpena 19"ko monitorean: VICTOR HUGO (marrazkiak) eta F. MEAULLE (grabatuak). Itsasoko langileak. Irudi digitala. (San Telmo Museoa, Donostia) eta Victor Hugoren argazki albuma (Kutxa, Victor Hugo Etxea, Pasaia). 1871.ANÓNIMO, c.1902. Thionville, 1871ko abuztuak 30.

• Binilo testua Victor Hugok Pasaian idatzitako olerkiarekin

Erakusketa bitrinan:

•  Victor Hugo gaztetan. Igeltsua. "Nere lagun Victor Hugo ospetsuari. P.J. DAVID".

• Lumak c. 1871. Bere lagun Paul Meuricek idatzitako testua: "Victor Hugok erabili zituen lumak "L'Année Terrible" nire etxean idazteko Pariseko setioaldian. Paul Meurice".

• Pierre-Jean DAVID D'ANGERS. Victor Hugo gaztetan (c. 1837). Igeltsu barnizatua.

• VICTOR HUGO. En voyage. Alpes et Pyrénées. Paris: Librairie Charpentier et Fasquelle, 1910. Xabier Susperregi jaunaren dohaintza.

• Victor Hugoren argazki albuma, 1902ko inaugurazioaren bildumari dagokiona.

2005. urtean, "Victor Hugo izeneko gida" ikus-entzunezko ikuskizun elkarreragilea sortu zen. 1843an Hugok Pirinioetan zehar egindako bidaiaren berri ematen du. Irudien, musikaren eta idazlearen iritzien bitartez, Hugoren ikuspegitik Pasaiak zituen eta oraindik ere gordetzen dituen erakargarri ugariak ikus ditzake bisitariak. Idazleak bere ibilbideko hainbat guneri buruz adierazitakoak bildu dira ikus-entzunezkoan, baina Pasaiaren kasuan nabarmendu da gehien idazkien gaurkotasuna.

2007an inauguratu zutenez geroztik, Victor Hugoren gela berregina etxeko tokirik harrigarrienetako bat izan da bisitarientzat. Garai hartako jatorrizko altzariek eta egilearen iritzien lokuzioak, bost hizkuntzatan, idazlearen eguneroko bizimodua ezagutzeko aukera ematen digute: zer bazkaltzen zuen, badiatik eta Jaizkibeletik paseatzean zer ikusten zuen, zer hausnarketa egiten zituen eta abar.